Տավուշի մարզի Նոյեմբերյան քաղաքում ապրող մանկության երեք ընկերներ որոշել են ստեղծել տեխնոինժեներական լաբորատորիա ստեղծել: Արգամ Ամիրաղյան, Հրանտ Ղազինյան և Հայկ Բուդաղյան 10 տարեկանից հաճախում են Արամթ ինժեներական լաբորատորիա։ Տղաները հետաքրքրված են ծրագրավորմամբ, ռոբոտաշինությամբ, 3D մոդելավորմամբ, ինժեներությամբ: Որոշել են հենց այս ոլորտներում հմտանալ ու կառուցել իրենց ապագան։ Երկու տարի իրենց գաղափարները համադրելով, գիտելիքներով զինվելով որոշեցին ակտիվ քայլեր ձեռնարկել «Պրոտոլաբ» լաբորատորիան հիմնելու համար։ Նրանք վստահ են, որ ընկերության բացումը կնպաստի համայնքում նոր աշխատատեղերի ստեղծմանը և երիտասարդները գումար վաստակելու համար չեն հեռանա Նոյեմբերյանից։ Նորագույն սարքավորումներով հագեցած լաբորատորիա ստեղծելու համար դրամահավաք են նախաձեռնել, որի արդյունքում արդեն հավաքվել է 9000 դոլար։
