Մեր թիմը

Լուսինե Նորեկյան

Ողջույն, ես Լուսինեն եմ: Մեր երիտասարդական թիմի ավագ գործընկերը: «Իմ ռադիոյի» եթերում յուրաքանչյուր աշխատանքային օր մենք հանդիպելու առիթ ունենում ենք: Միասին «Իմ ռադիոլուրի» շրջանակում հետևում, քննարկում ու վերլուծում ենք Հայաստանում և աշխարհում տեղի ունեցող անցուդարձը: Պատմում եմ նաև երիտասարդների խնդիրների ու ձեռքբերումների մասին: Մի խոսքով, ձեռքս միշտ լրատվական զարկերակին է:

Սյուզի Լևոնյան

Ես Սյուզի Լևոնյանն եմ, Իմ ռադիոյի հնաբնակներից: Սիրում եմ շփվել մարդկանց հետ, լսել նրանց ոգևորող պատմությունները և դրանք ներկայացնել ռադիոլսողներին: Այժմ Իմ ռադիոյի եթերում վարում եմ «Ռադիոերեկո» և «IT շաբաթ» հաղորդումները: Յուրաքանչյուր երեքշաբթի` ժամը 19-ին, հյուրընկալում ենք երիտասարդական տարբեր նախաձեռնությունների հեղինակների, նրանց հետաքրքրող թեմաներից զրուցում: Իսկ կիրակի՝ ժամը 20:30-ին, ներկայացնում եմ տեղեկատվական տեխնոլոգիաների ոլորտի անցուդարձը, ինչպես նաև հարցազրույցներ IT ընկերությունների և միջոցառումների մասին:

Արմինե Դանիելյան

Ես Արմինեն եմ, մասնագիտությամբ` թատերագետ։ Եթե մտածեցիր` ինչո՞վ է զբաղվում թատերագետն ու պատասխան չգտար, մի անհանգստացիր, հաճախ թատրոնի մարդիկ էլ չգիտեն, ուղղակի լսիր իմ հաղորդումները։

Գևորգ Մալաքյան

Ի՞նչ պատմեմ իմ մասին. մարզական լրագրող, մեկնաբան, հաղորդավար… մի խոսքով, ինձ հետաքրքրում է այն ամենն, ինչ կապված է սպորտի հետ, և իմ անունն է Գևորգ։

Եվա Մինասյան

Ես Եվան եմ, իսկական Եվա` կյանք տվող, կյանք եմ տալիս իմ և ձեր բոլոր գաղափարներին: Արևային մի աղջիկ եմ, ով ճամփորդում է ժամանակների ու քաղաքների միջև` բացահայտելով մարդկանց ու կյանքը բոլորովին այլ տեսանկյունից։