Այս տարվա հունվարի 1-ից Բարձր տեխնոլոգիական ոլորտի ընկերությունների համար ուժի մեջ է մտել նոր կարգավորումներ, որոնք ըստ ԱՏՁՄ- ներկայացուցիչների՝ սահմանափակում են տեխնոլոգիական ոլորտի զարգացումը, խոչընդոտում ստարտափների աճին, գիտահետազոտական աշխատանքներին։ ԱՏՁՄ գործադիր տնօրեն Սարգիս Կարապետյանի խոսքով՝ նոր կարգավորումների շուրջ խոսակցությունները սկսվել են 2.5 տարի առաջ, երբ օրենքի նախագծի առաջին տարբերակը համայնքը առաջարկել է ԲՏԱ նախարարությանը, որը մերժվել է այն հիմնավորմամբ, որ մեխանիզմները շատ բարդ են։ Նախարարությունն այդ ժամանակ հայտնել էր, որ շուտով ներկայացնելու են ավելի պարզ մեխանիզմով օրենք:
