Կլորիկ աչքերով, հաճելի ձայնով Մոքսի ռոբոտն արժանացել է օրերես Լաս Վեգասում անցկացված CES 2024 սպառողական էլեկտրոնիկայի միջազգային ցուցահանդեսի նորարարական մրցույթի գլխավոր մրցանակի «Արհեստական բանականություն» անվանակարգում: Մոքսի ռոբոտը ստեղծել է ամերիկահայ Պաոլո Պիրջանյանի Embodied ընկերությունը։ Այն իր արհեստական բանականությամբ հեղափոխական տեխնոլոգիա է համարվում երեխաների զարգացման համար: 2020թվականից Մոքսին ավելի քան 4 միլիոն զրույց է ունեցել երեխաների հետ: Ռոբոտը դարձել է երեխաների ընկերը, աջակցում է ծնողներին և մանկավարժներին։
Նշեմ, որ տեխնոլոգիական նորարարությունների ամենամեծ միջոցառումներից մեկը՝ CES 2024-ն անցկացվել է հունվարի 9-ից 12-ը, ներկայացվել է ավելի քան 4000 ցուցանմուշ աշխարհի 150 պետությունից։
