Սպորտային ցանակացած իրադարձություն շատ արագ կարողանում է իր շուրջը հավաքել հազարավոր մարդկանց։ Ֆուտբոլ, բասկետբոլ, ծանրամարտ … շարքը կարող ենք երկար շարունակել, սակայն այս սպորտաձևերի կողքին կան նաև անսովորները, որոնք ստեղծելու համար մարդկային երևակայությունը պարզապես մոռացել է սահմանների մասին:
Ֆիզիկական և մտավոր կարողությունների յուրահատուկ խառնուրդից ծնվել է ամենաարտասովոր սպորտաձևերից մեկը` շախմատային բռնցքամարտը: Այս խաղը հիբրիդ է շախմատի և բռնցքամարտի միջև: Այն առաջին անգամ խաղացել են հոլանդացի նկարիչ Իեպե Ռուբինգն ու միջին քաշային կարգում մարտիկ` Ժան Լուի Վենստրայը` 2003 թվականին: Ռուբինգի նպատակն էր համատեղել երկու կարևորները` ինտելեկտը և ֆիզիկական ուժը: Շախմատային բռնցքամարտի կանոնները բավականին պարզ են. Խաղացողը պետք է փոխարինի շախմատի և բռնցքամարտի փուլերը 11 ռաունդով: Առաջինը կայանում է շախմատի փուլը և տևում երեք րոպե։ Հետո հերթը բռնցքամարտիկինն է. նա մեկ րոպե հանգստանում է եւ ռինգ մտնում ևս երեք րոպե։ Բռնցքամարտի փուլից հետո հայտարարվում է ընդմիջում, իսկ հետո խաղը կրկնվում է։
Պետանկը ֆրանսիական սպորտաձև է և ,ենթադրվում է, որ այն շատ երկար պատմություն ունի՝ հասնելով նույնիսկ Հին Հունաստանի և Եգիպտոսի ժամանակներին: Այնուամենայնիվ, դրա ներկայիս ձևավորումն առաջացել է 1910 թվականին հայտնի բուլերի ձևից:
Գնդակը նետել ամենամոտ փայտից պատրաստված փոքրիկ թիրախային գնդակին, որը կոչվում է ժեկ կամ կոկոն. ահա´ Պետանկի գլխավոր նպատակը: Այս փոքրիկ գնդակի տրամագիծը 30 մմ է: Եթե ձեր գնդակը թիրախային գնդակին ամենամոտն է գտնվում, ապա այն կարող է համարվել «միավոր»: Խաղը բաղկացած է յոթ փուլից, որոնք նաև կոչվում են վերջ կամ մենես: Այս սպորտաձևը մեծ տարածում ունի Ֆրանսիայում, որտեղ այն խաղում են բոլոր տարիքի մարդիկ: Պետանկն ունի նաև պրոֆեսիոնալ թիմեր, որոնք մրցում են միմյանց դեմ մրցաշարերում կամ լիգաներում: Օրինակ՝ Գերմանիան, Իսպանիան և Անգլիան այս սպորտաձևում հայտնի են իրենց ուժեղ ազգային հավաքականներով։
Եթե դուք Հարի Փոթերի երկրպագու չեք, հավանական է, որ նախկինում երբեք չեք լսել այս սպորտաձևի մասին: Բայց Հարիի երկրպագուները հաստատ գիտեն` ինչի մասին է այն: Ռոուլինգն իսկապես կարողացել է խաղը տարածել ողջ աշխարհով: Քվիդիչը թիմային մարզաձև է, որը ստեղծվել է 2005 թվականին, Միացյալ Նահանգների Վերմոնտի Միդլբերի քոլեջում:
Յոթ խաղացողներից բաղկացած երկու թիմեր, որոնք քայլում են ցախավելներով և միմյանց հակառակ ուղղանկյուն խաղադաշտում, մրցում են պաշտպանների օղակների միջով գնդակն անցնելու հիմնական նպատակի համար, մինչդեռ հակառակորդներին թույլ չեն տալիս անցնել իրենց օղակների միջով: Հենց սա է խաղի ողջ էությունը: Իրական սպորտաձևը երբեմն կոչում են «մագգլ քվիդիչ»՝ գրքի գեղարվեստական խաղից տարբերելու համար: Իրական քվիդիչում չկան կախարդական տարրեր: Այստեղ օգնության չեն կարող հասնել ո´չ թռչող ցախավելները, ո´չ կախարդված գնդակները: Սա խաղ է, որը միավորում է ամբողջ աշխարհի մարզիկներին: Այն գրավում է նաև ուսանողներին, հատկապես նրանց, ովքեր հաճախում են Հարվարդի համալսարան կամ Բոստոնի քոլեջ: Ազատ ժամանակ նրանք հաճախ են կազմակերպում մրցաշարեր, որոնցում ներգրավված են լինում բոլոր այն թիմերը, որոնք ամբողջ տարվա ընթացքում քվիդիչ են խաղում: Թեև այս մարզաձևը նախատեսված էր 14-ից 18 տարեկանների համար, շատ մեծահասակներ նույնպես զբաղվում են դրանով։ Այն նույնիսկ ունի սեփական աշխարհի առաջնությունը:
