Նախնական մեկ ձևարար, մեկ դերձակ և ոչ պրոֆեսիոնալ կարի մեքենաներ, իսկ մեկ ու կես տարի հետո՝ 10 մասնագետ և պրոֆեսիոնալ տեխնիկա․ «ՍՏԱՐՏԱՓ ՀԱՅԱՍՏԱՆ»

Հովակիմյան Քրիստինան ինչ-որ ծրագրի ժամանակ գտնում է իր բիզնես գաղափարակից ընկեր՝ Ավետիսյան Արևիկին և Եղիազարյան Սոնային։ Կիսվում մտքերով ու որոշում քիչ ներդրմամբ նոր բիզնես հիմնել, ավելի կոնկրետ՝ եղածը վերափոխել ու նորովի ներկայանալ։

-«Եթե ստեղծում ենք հայկական արտադրության խոհանոցային պարագաներ, ուրեմն որակը պետք է բարձր լինի», այս գաղափարով ոգևորված կանայք քաջ գիտակցում էին, որ եթե որակի մեջ թերանան, հայ արտադրողների անունը «կսևացնեն»։ Արևիկը հպարտությամբ փաստում է, որ կարծրատիպը, թե հայկական արտադրանքը անորակ է և թանկ, միանգամից փոխվում է, երբ մարդիկ ծանոթանում են ապրանքներին, շոշափում, զգում որակը։