Գյումրու տեղեկատվական տեխնոլոգիաների կենտրոնն ու Հայ կրթական հիմնարկությունը 2021 թվականից իրականացում են «Խորը ինժեներական կրթական ծրագիրը»։
Տեխնոլոգիական հյուրատուն, Buggy տեսակի մեքենա, խելացի կառավարման համակարգ․ ահա այս և այլ նախագծեր են իրականացրել ուսանողները։ Ծրագիրը մեկնարկել է Շիրակի մարզում 2021 թվականի փետրվարին։ Առաջին տարվա հաջողությունից հետո այն իրականացել է Լոռու և Արմավիրի մարզերում։
Լուսանկարը ՝GITC ֆեյսբուքյան էջից
«Խորը ինժեներական կրթական ծրագրի» իրականացման գաղափարն առաջացել է Արցախյա 44–օրյա պատերազմից հետո,– ասում է Գյումրու տեղեկատվական տեխնոլոգիաների կենտրոնի գործադիր տնօրեն Ամալյա Եղոյանը և հավելում, որ ցանկանում էին ստեղծել մի ծրագիր, որով երիտասարդները կկարողանային զարգացնել հմտությունները, տեխնոլոգիական, մեխանիկական, ինժեներական ոլորտներում նոր գիտելիքներ ձեռք կբերեին։
Լուսանկարը ՝GITC ֆեյսբուքյան էջից
«Վառեմ, մարեմ» է կոչվում երիտասարդների խելացի կառավարման մյուս համակարգը, որը հնարավորություն է տալիս հեռախոսի միջոցով աշխարհի ցանկացած կետում կառավարել տան, գրասենյակի լույսերը, ջրել բույսերը և այլն։
Առաջիկայում ծրագիրն կընդլայնվի և ավելի շատ երիտասարդներ կներգրավեն։ Արմավիրում կառուցվում է արհեստների, արվեստների ու տեխնոլոգիաների քոլեջը։ Շաբաթ և կիրակի օրերին հատուկ ավտոբուսների միջոցով մարզերի աշակերտները հնարավորություն կունենան գալ ու քոլեջում մասնակցել դասընթացների։
