Թե ինչպես է Արամ Խաչատրյանը նվագում, մոտենում է գրասեղանին, մտորում և նոտագրում, արդեն կարելի տեսնել մեծ կոմպոզիտորի տուն-թանգարանում։ ARLOOPA ընկերության հետ համագործակցության արդյունքում թանգարանի այցելուները VR ակնոցների միջոցով կարող են հայտնվել Խաչատրյանի աշխատասենյակում և հետևել «Գայանե» բալետից մի հատվածի՝ «Սուսերով պարի» ստեղծմանը։ Թանգարանի տնօրեն Արմինե Գրիգորյանի խոսքով՝ նորագույն տեխնոլոգիաների գրագետ օգտագործմամբ կարելի է գրավել այցելուներին:
Նախագիծը իրականացվել է մի քանի փուլով՝ դիզայն, մոդելավորում, այնուհետև անիմացիայի ստեղծում: VR ակնոցով այցելուները սիրելի կոմպոզիտորին կտեսնեն ստեղծագործական ակտիվ վիճակում։
