ԹատրON | Ձգողականություն․Համաշխարհային պրեմիերա
Բալետի հայրենիքն Իտալիան է. իտալերեն «ballo» բառը նշանակում է պար։ Սակայն արվեստի այս տեսակը սկսեց զարգանալ Ֆրանսիայում Լյուդովկոս 14-րդ թագավորի օրոք. նա պարի մեծ սիրահար էր։ «Թագուհու կատակերգական բալետ» ներկայացումը համարվում է առաջին բալետային բեմադրությունը։
Դեկտեմբերի 1ին և 2ին Սպենդարյանի անվան Օպերայի և բալետի ազգային ակադեմիական թատրոնում տեղի ունեցավ Վաչե Շարաֆյանի «Ձգողականություն» բալետային ներկայացման առաջնախաղը, ըստ Լևոն Շանթի Հին Աստվածներ դրամայի։ Ներկայացումը համաշխարհային պրեմիերա է, քանի որ այն ամբողջովին նոր է և առաջին անգամ է բեմադրվում։
Բեմադրության երաժշտական ղեկավարը և դիրիժորը վաստակավոր արտիստ Կարեն Դուրգարյանն է, իսկ բեմադրող բալետմայստերը՝ Արա Ասատուրյանը։
Լիբրետոյի և գեղարվեստական գաղափարի հեղինակը Համազգային թատրոնի գեղարվեստական ղեկավար Նարինե Գրիգորյանն է։
Դե ինչ, այս էպիզոդում կպատմեմ բալետի և նոր ներկայացման մասին։ Ինչու՞ Հին աստվածներ անունը փոխվեց և դարձավ Ձգողականություն, ինչու՞ է սա համարվում համաշխարհային պրեմիերա, ո՞ վ է կոմպոզիտորը և ոչ միայն։