Պահպանել Արցախի մշակույթը, բարբառը և երիտասարդների միջոցով փոխանցել ապագա սերունդներին. այս նպատակով Հադրութից տեղահանված Երազիկը, Լիանան և Գայանեն 2021թ. ստեղծեցին «Դիզակ Արտ» երիտասարդական-մշակութային կենտրոնը։ Սկզբում աշխատում էին հիմնականում Հադրութից և Շուշիից տեղահանված պատանիների ու երիտասարդների հետ։ Սակայն 2023թ. սեպտեմբերից հետո ընդլայնել են իրենց գործունեությունը և կրթական, մշակութային տարբեր ծրագրեր են իրականացնում Արցախից տեղահանված մեծ թվով շահառուների հետ։ Երևանից զատ կենտրոնը մասնաճյուղ ունի նաև Աբովյան քաղաքում։
«Դիզակ Արտ»-ի գործունեության մասին զրուցել ենք կենտրոնի համահիմնադիրներ Երազիկ Հայրիյանի և Լիանա Պետրոսյանի հետ։
