Համալսարանական մի խումբ երիտասարդներ «ուղեղային կենտրոն են» հիմնել. այն հենց այդպես էլ կոչվում է՝ «Brain Centre»։ Երիտասարդական նախաձեռնության նպատակն է ԵՊՀ-ում գործող ուսանողական այլընտրանքային մարմին դառնալ։ Հիմնադիրները պատրաստվում են վեր հանել բուհում առկա հիմնախնդիրները, ապահովել ուսանողների գիտական և մշակութային ժամանցը, հետազոտություններ անցկացնել քաղաքական և հասարակական արդիական հարցերի վերաբերյալ։
Brain Centre նախաձեռնությունը ստեղծվել է «ԵՄ-ն հանուն երիտասարդների. Ուսանողական ժողովրդավարություն հիմա» ծրագրի «Մարդամեջ-2022» սոցիալական-նորարարության հավաքի շրջանակներում։ Թեմայի մասին զրուցել ենք նախաձեռնության համակարգող Արթուր Ադամյանի և հիմնադիր-անդամ Անի Հովհաննիսյանի հետ։
