Մարդիկ շոշափում են բաժակների վրայի նկարած մանդալաներն ու զգում, թե ինչ էներգիայով են ստեղծվել դրանք․ «ՍՏԱՐՏԱՓ ՀԱՅԱՍՏԱՆ»
Մարինե Թունյանը MARA MOOD-ի հեղինակ հիմնադիրն է։ Մասնագիտությամբ քաղաքագետ է, անգլերեն լեզվի մասնագետ, նաև կրտսեր ֆինանսիստ է, աշխատանքի բերումով արդեն 20 տարի աշխատում է որպես ծրագրերի համակարգող։ Մարինեն մանդալաներ է նկարում տարբեր իրերի վրա, այդպես հիմնադրվել է մի բիզնես, որն ավելի շատ կարելի է ասել էներգիայի փոխանակում է հեղինակի և պատվիրատուների միջև։
Մարինեի համար մանդալաները թերապիայի պես մի բան են։ Առողջական խնդրիներից առաջ Մարինեն շատ էր նկարում, ու հետո է հասկացել, որ դա գուցե նախապատրաստական շրջան էր, որ առողջական խնդիրները հեշտ լուծելի լինեն և ինքը հոգեպես պատրաստ լինի: Բիզնեսի հիմնաքարը դնելուց մեծ դեր են ունեցել Մարինեի ընկերները։ Նրանք իրենց ներդրումն են կատարել բիզնեսում՝ գնելով մի քանի իր։
Մարինեի երազանքներում մեծ տեղ ունի մարդկանց օգնելը՝ իր արվեստով, էներգիայով ու մտքերով։
