«Խոշոր պլան». Կյանքը վերափոխող տեխնոլոգիաներ
21-րդ դարում անհնար է խոսել կրթությունից և գիտությունից առանց անդրադառնալու նորարարական տեխնոլոգիաներին։ Հատկապես մեր օրերում գիտության և տեխնոլոգիաների զարգացման միջոցով Հայաստանի ապագան վերափոխելը չափազանց արդիական խնդիր է դարձել։ Հենց այդ նպատակին է միտված Հայաստանի գիտության և տեխնոլոգիաների հիմնադրամի (FAST) գործունեությունը։
Հիմնադրամն իր բազմաճյուղ գործունեությունից զատ, անցկացնում է նաև Գլոբալ ինովացիոն ֆորումը (GIF), որն այս տարի կկայանա հոկտեմբերի 5-6-ին Երևանում՝ «Կյանքը վերափոխող տեխնոլոգիաներ» խորագրով: Ֆորումի առանցքում արհեստական բանականության բազմաոլորտ կիրառություններն են ու մարդկային գործունեության վրա ունեցած ազդեցությունները։
Թեմայի մասին զրուցել ենք Հայաստանի գիտության և տեխնոլոգիաների հիմնադրամի ռազմավարական ծրագրերի գծով փոխնախագահ Սյուզաննա Շամախյանի հետ։