Արտաերկրային կյանքի մասին խոսելիս շատերս պատկերացնում ենք մեզնից լուսատարիներ հեռավորությունների վրա գտնվող էկզոմոլորակներում բնակվող ինչ-որ էակների, բայց ի՞նչ կասեք, եթե իմանաք, որ այդքան հեռու գնալու կարիք չկա և ոչ երկրային կյանք հնարավոր է նաև մեր Արեգակնային համակարգի ներսում` թեկուզ և ավելի պարզ տեսքով:Քանի որ մեզ ծանոթ կյանքն առանց ջրի գոյություն ունենալ չի կարող, ապա անհրաժեշտ է առաջին հերթին գտնել ջրով հարուստ մարմիններ, իսկ այդպիսինները մեր համակարգում կան:
