Կրթվելու համար երբեք ուշ չէ. նոր մասնագիտություն և հմտություններ ձեռք բերել կարելի է ցանկացած տարիքում: Մինչդեռ շատերը կարծում են, որ օրինակ 30 տարեկանից հետո դժվար է նոր բան սովորելը: Այս կարծրատիպը կոտրելու համար ԿԳՄՍ նախարարությունը և «Դի-Վի-Վի Ինթերնեյշնալի» հայաստանյան գրասենյակը նախաձեռնել են մեծահասակների ուսումնառության և կրթության հանրայնացման արշավ՝ «ԿրթաԲԱՑ․ կրթություն բոլորին, ամենուր, ցկյանս» խորագրով:
Նպատակն է հանրությանը ցույց տալ, որ ցկյանս ուսումնառությունը իրավունք է բոլորի համար՝ անկախ տարիքից և սոցիալական կարգավիճակից, ոչ ֆորմալ կրթությունը հեռանկարներ բացող հնարավորություն է ու մարդու ներքին ռեսուրսները բացահայտող գործընթաց: Թեման քննարկել ենք ԿԳՄՍՆ Երիտասարդական քաղաքականության, լրացուցիչ և շարունակական կրթության վարչության պետ Գոհար Մամիկոնյանի և «Դի-Վի-Վի Ինթերնեյշնալի» հայաստանյան գրասենյակի տնօրեն Էսթեր Հակոբյանի հետ:
