Հունիսի 20-ին Հայաստանը նոր խորհրդարան կընտրի։ Քաղաքական ուժերը արտահերթ ընտրությունների են գնում խաղի նոր կանոններով՝ առանց ռեյտինգային ցուցակների։ Ընտրողներն էլ քվեախցիկում գրիչի կարիք չեն ունենա, պարզապես իրենց նախընտրելի կուսակցության կամ դաշինքի քվեաթերթիկը կդնեն ծրարի մեջ։
Արդյոք խորհրդարանական արտահերթ ընտրությունները կթեթևացնեն հետպատերազմյան քաղաքական լարվածությունը և ինչքանո՞վ են քաղաքական ուժերը պատրաստ նոր կանոններին. «Խոշոր պլանում» թեման քննարկել ենք Հելսինկյան քաղաքացիական ասամբլեայի Վանաձորի գրասենյակի ներկայացուցիչ Վարդինե Գրիգորյանի և «Օրբելի» վերլուծական կենտրոնի փորձագետ Գոռ Մադոյանի հետ։
