«ԱրՄաթ» ինժեներական լաբորատորիաներն ընդլայնում են սփռվածությունը Ջավախքում։ Հուլիսի 12-ին Նինոծմինդայում, հուլիսի 13-ին գյուղ Օլավերդում տեղի կունենան նոր «ԱրՄաթ»–ների բացման արարողությունները:
Արդեն 7 «Արմաթ» ինժեներական լաբորատորիաներում ջավախեցի պատանիները սովորում են խաղերի ստեղծում, անիմացիա, ռոբոտաշինություն, եռաչափ մոդելավորում և այլն։
Ծրագիրը Ջավախքում իրականացվում է «Ջավախքին աջակցություն» հիմնադրամի Առաջատար տեխնոլոգիաների ձեռնարկությունների միության հետ համագործակցությամբ և անհատ բարերարների ու կառույցների աջակցությամբ: Իմ ռադիոյի ստուդիայում զրուցել ենք «Ջավախքին աջակցություն» հիմնադրամի գործադիր տնօրեն Սամվել Մկոյանի հետ։
