«Երբ նայեցի զինվորների աչքերին հասկացա, որ նրանք ավելի շատ են սիրում հայրենիքը, քան ես հավատում եմ Աստծուն»,– տեր Աբել քահանա Քարտաշյանի այս խոսքերը գեղանկարչուհի, գրաֆիկ Մանու Հարությունյանին ոգեշնչեցին և նա որոշեց դրանք կտավին հանձնել։ Նկարչուհու ստեղծագործություններն այնքան սիրվեցին և ճանաչում ստացան, որ որոշ ժամանակ անց դրանք աճուրդի հանեց և ստացված գումարը փոխանցեց «Հայաստան» համահայկական հիմնադրամին։
