Սթարմուս | «Մեկ տարվա մեջ մենք տեսանք, որ Հայաստանը կարող է դառնալ տարածաշրջանի նորարարական այթի երկիր»․

Համաշխարհային գիտական «Սթարմուս VI» փառատոնը սեպտեմբերի 5-ից 11-ը տեղափոխվելու է Հայաստան, որի ընթացքում հետաքրքիր և յուրօրինակ ձևով ներկայացվելու են գիտությունն ու արվեստը։

Փառատոնին ընդառաջ մենք պատրաստել ենք փոդքաստների շարք, որտեղ կպատմենք հայ գիտնականների, նրանց նորարարությունների և հնարավորությունների մասին։ Նաև կփորձենք Հայաստանում զարգացող գիտության ճյուղերը ներկայացնել մատչելի լեզվով։

Այս էպիզոդի հյուրը՝ Էկոնոմիկայի նախարարությանը կից «Նորամուծության և ձեռներեցության ազգային կենտրոնի» գործադիր տնօրեն Հայկ Մարգարյանը, գիտնական չէ, բայց գիտությամբ և բիզնեսով զբաղվող մարդկանց կապում է իրար։