Սկանդալային թողարկում Կառլի՝ պապիկից կտակ մնացած 06 մակնիշի ժիգուլիից։ Ինչու՞ է քաղաքապետարանը քանդում Կառլի ավտոտնակը ու ի՞նչ ունի ասելու մեր սիրելի Կառլը քաղաքապետին։ Բացի նրանից, որ այս թողարկմանն ավելի քան 7 անգամ կլսեք ավտոտնակ բառը , ավելի քան 4 անգամ Հայկ Մարությանի անունն ու ավելի քան երկու անգամ նորություններ Ավստրալիայից, այս էպիզոդում նաև պատմում ենք Անգլիայի թագուհու՝ ալկոհոլից հրաժարվելու որոշման պատճառների, վերջինիս հարսիկի՝ Մեգան Մարքլի սուպերհերոսի մարմնավորելու ցանկության, սուպերհերոսներից ամենահայտնիի օրիենտացիայի ու էլի մի քանի մանր մունր նորության մասին։
Կառլ Ավետյանն ու Վեգա Անդրիասյանը շարունակում են Ձեզ պատմել վերջին շաբաթվա ամենահետաքրքիր, քննարկված, երբեմն էլ տարօրինակ իրադարձությունները: Ընկերները որոշել են փոքր ինչ փոխել փոդքասթի ձեւաչափն ու լուրերը քննարկել այնպես, ինչպես կքննարկեին առանց միկրոֆոնի՝ տարբեր վայրերում, սրճարաններում, այգիներում , տանը ու նույնիսկ առևտրի կենտրոններում:
