Խոշոր պլան․ «Հզոր Միտք»-ը շարունակում է հզորացնել մարզերի երիտասարդներին

5–րդ տարին անընդմեջ «Հզոր Միտք» ՀԿ-ն իրականացնում է «Հզոր համայնք» խորագրով միջոցառումը, որի նպատակն է մարզերի երիտասարդների շրջանում կյանքի կոչել նոր գաղափարներ ու ծրագրեր, միմյանց միջև հաստատել նոր ծանոթություններ, կապեր ստեղծել տարբեր ոլորտներում հաջողության հասած անձանց հետ: Այս անգամ «Հզոր Համայնք» խորագրով միջոցառումը Երևանում մեկ հարկի տակ է համախմբում շուրջ 600 պատանիների Հայաստանի մարզերից ու Ջավախքից, որոնց միանալու են նաև գործարարներ ու տարբեր ոլորտներում հաջողած մասնագետներ։ Միջոցառմանը կարող են մասնակցել Հզոր Մտքի, Ուսանողի Տան 14-22 տարեկան անդամները,նրանց թիմակիցները և նրանք, ովքեր կապված են հզոր ցանցի հետ։