Մարիամ Ղարդյան — Իմ Ռադիո https://imradio.armradio.am Հանրային ռադիոյի երիտասարդական ալիք Mon, 11 Sep 2023 15:17:54 +0000 hy-AM hourly 1 https://wordpress.org/?v=6.9.4 https://imradio.armradio.am/wp-content/uploads/2024/02/fav.png Մարիամ Ղարդյան — Իմ Ռադիո https://imradio.armradio.am 32 32 ՖիլմON | Dahmer – Monster: The Jeffrey Dahmer Story. Աստվածավախ սերիական մարդասպանը․ https://imradio.armradio.am/2023/04/24/dahmer-monster-the-jeffrey-dahmer-story-%d5%a1%d5%bd%d5%bf%d5%be%d5%a1%d5%ae%d5%a1%d5%be%d5%a1%d5%ad-%d5%bd%d5%a5%d6%80%d5%ab%d5%a1%d5%af%d5%a1%d5%b6-%d5%b4%d5%a1%d6%80%d5%a4%d5%a1%d5%bd/ Mon, 24 Apr 2023 18:25:43 +0000 https://imradio.armradio.am/?p=9742 Evan Peters-ի դեմքին նայելուց դժվար կպատկերացնես, որ այդ մարդը կարող է մարմնավորել, օրինակ՝ ամերիկյան սերիական մարդասպան Jeffrey Dahmer-ին։ Նուրբ դիմագծերով երիտասարդի համար սա իսկական մարտահրավեր էր, մարմնավորել մի մարդու, ով սպանել է (և ոչ միայն) 17 տարբեր տարիքի տղամարդկանց։ Իհարկե սա առաջին փորձը չէր նմանատիպ կերպար մարմնավորելու, արդարության համար ասեմ, որ բոլորն էլ շատ լավ է մարմնավորել ու նման կերպարները կարծես հենց իր համար ստեղծված լինեն։ Այդ երիտասարդը կարծես մեր ժամանակների լավագույն դեերասաններից մեկն է դառնում։

Իսկ Dahmer-ի կատարածի մանրամասները չեմ պատմի, ֆիլմը կամ սերիալը նայելուց կիմանաք, բայց ասեմ, որ առանձնակի դաժան սերիական մարդասպանը մոտ 10-ն անգամ «բռնվելուց» է պրծել։ Ու իր ֆենոմենն այն է, որ տասն անգամն էլ բացահայտ անօրինական և դաժան գործողությունները նա կարողացել է այնպես ներկայացնել և ծածկել, որ որևէ մեկը բացի կողքի հարևան տիկնոջից չի մտածել, որ նա կարող էր բնակարանում, ասենք, ինչ-որ մարդկանց մաս-մաս անել։

Փոքր տարիքից տղան միշտ ջերմության և ուշադրության պակաս է ունեցել․ ծնողները լավ հարաբերությունների մեջ չեն եղել, մայրը հետծննդաբերական դեպրեսիայի մեջ էր, տղային ուշադրություն չէր դարձնում, անգամ հղիությունն է անցանկալի եղել, դպրոցում առանձնացել է տարօրինակ պահվածքով, հոր հետ հաճախ է կենդանիներ հերձել, (հետո հայրն իրեն մեղադրում էր, որ հենց ինքն է երեխայի մեջ սերմանել այդ ամենը) բայց եղել է բարի ու հանգիստ տղա։

Մեծացել է ու էլի ոչինչ չի փոխվել։ Քաղաքավարի այդ տղան ծանոթանում էր տղամարդկանց հետ և նրանց խմիչքի մեջ քնաբեր լցնում, որպեսզի այն ինչ անելու էր այդ մարդկանց հետ, չզգային, դա իր համոզմամբ, հենց իր բարության մասին էր խոսում։

Dahmer-ին վերջապես ձեռբակալում են և ցմահ ազատազրկման դատապարտում ու այն ինչ լինում է հետո։ Ցնցող է։ Չգիտես ինչու, փոխարեն նրա արարքները դատապարտեն, մարդիկ սկսում են հերոսացնել, երիտասարդ աղջիկները սիրահարվում են, նամակներ են գրում ու ուղարկում բանտ, երիտասարդ տղաները կոմիքսներ են ստեղծում, հագնում են իր ոճով, խոսում նրա պես։ Եվ դա մարդկանց, մի մասին, հատկապես սևամորթներին, խիստ բարկացնում է, որովհետև նրա զոհերը մեծամասամբ սևամորթ տղամարդիկ էին։

Ի դեպ, այսօր էլ TIK-TOK ում տարածված է թրենդը, երբ երիտասարդ և գեղեցկադեմ սերիական մարդասպանները դրական վերաբերմունք են ստանում, ինչը, մեր մեջ ասած, մի քիչ վախեցնող է։

Սերիալում կա հոմոֆոբիայի և ռասիզմի մասին շատ սուր պահեր, որոնք, վստահաբար սրվել են, որովհետև Netflix-ի արտադրանքն է, բայց մեկ է կարևոր մեսիջներ կան։ Ծնողավարության սխալների մասին շատ ցայտուն պահեր կան, որոնք ուսուցանող են, կան պահեր, երբ ափսոսում ես ու գիտակցում, որ եթե տղայի հայրը, ասենք, մի օր նստեր և հետը խոսեր, գուցե այդ պատկերը չլիներ, բայց ունենք այն ինչ ունենք։

Սերիալը լավն է, տղան ֆանտաստիկ լավ է խաղում, պատկերները լավն են, իսկ արյունը՝ քիչ։ Խառը էմոցիաներ եք ունենալու, բայց չվախենաք, հանգիստ նայեք:

Ես Մարիամն եմ, կինոքննադատ չեմ, պարզապես սիրում եմ ֆիլմեր նայել և տպավորությոններովս ու մտքերով կիսվել մարդկանց հետ։ Ես խոսում եմ քիչ ու կցկտուր, որպեսզի տեղ թողնեմ, որ կարողանաս նայել այն ֆիլմերը, որոնց մասին մենք ամեն շաբաթ մոտ 5 րոպե զրուցում ենք։

]]> ՖիլմON | Tetris. Այսօր հարմար օր է աշխարհը շուռ տալու համար https://imradio.armradio.am/2023/04/23/tetris-%d5%a1%d5%b5%d5%bd%d6%85%d6%80-%d5%b0%d5%a1%d6%80%d5%b4%d5%a1%d6%80-%d6%85%d6%80-%d5%a7-%d5%a1%d5%b7%d5%ad%d5%a1%d6%80%d5%b0%d5%a8-%d5%b7%d5%b8%d6%82%d5%bc-%d5%bf%d5%a1%d5%ac%d5%b8%d6%82/ Sun, 23 Apr 2023 08:30:21 +0000 https://imradio.armradio.am/?p=9722 Tetris2023 ‧ 1h 58m

Եթե էմոցիոնալ մարդ ես, հավանականությունը մեծ է, որ յուրաքանչյուր նայածդ ֆիլմի որևէ հատվածից պետք է փշաքաղվես։ Իսկ եթե էմոցիոնալ ես ու դիտում ես վերջերս լույս աշխարհ տեսած TETRIS ամերիկյան կենսագրական ֆիլմը, ուրեմն ոչ թե ինչ-որ պահերի, այլ ֆիլմի ողջ ընթացքում ես փշաքաղվելու։ Խոստանում եմ։

Եթե շատ երիտասարդ չես, ապա հաստատ Tetris անունը քեզ մոտ լավ հիշողություններ է արթնացնելու, որովհետև տարիներ առաջ գրեթե բոլորիս տանն էլ կար խաղի փոքրիկ տարբերակը, որով ժամերով կարելի էր խաղալ ու չհոգնել, բայց երևի շատ շատ քչերն են մտածել, թե ով է հորինել այդ, օրինակ՝ ինձ համար այդքան սիրելի խաղերից մեկը։

1980 թվականին, Սովետական միությունում ապրում էր մի ծրագրավորող, անունը՝ Ալեկսեյ Պաժիտնով։ Թենիսի սիրահար Ալեկսեյը մի օր պատահաբար հորինում է մի խաղ, որը ձեռք բերելու համար արդեն 1988 թվականին, նիդեռլանդներից վիդեախաղերի դիզայներ Henk Rogers-ը տարվելով խաղով փորձում է այն ձեռք բերել ու նաև իրավունք ստանալ խաղն օգտագործել բիզնես նպատակների համար։

Rogers-ն այնքան էր տպավորվել խաղով, որ բոլորին այնպես էր ներկայացնում, որ մարդիկ իրենք էլ հասկանալով խաղի ապագան, մեծ ցանկություն էին ունենում այն ձեռք բերելու ոչ թե խաղալու համար, այլ աշխարհում տարածելու և եթե ոչ միլիոններ, ապա միլիարդներ աշխատելու։

Բայց կար մի բայց։ Որքան էլ Rogers-ը և մեդիամագնատ Robert Maxwell-ն ու նրա որդի Kevin-ը փորձում էին հնարավոր և անհնար բոլոր տարբերակներն օգտագործել խաղը ձեռք բերելու համար, նրանք հաշվի չէին առել մի բան՝ Սովետական միությունը խիստ փակ երկիր էր, այնտեղից ոչինչ դուրս չէր գալիս։

Էլ ինչ ֆիլմ, եթե գոնե մի խենթը չի լինում։

Rogers-ն իր ամբողջ կարողությունն էր դրել այդ գործի մեջ, գրավադրել էր նաև տունը, չհաջողելու շանս պարզապես չուներ։ Ճապոնական վիդեոխաղերի ընկերության Nintendo այցից հետո, մեր խիզախը որոշում է թռչել Մոսկվա։

Այնտեղ բազմաթիվ փորձությունների է ենթարկվում, մրցակիցներն ավելի ուժեղ և խորամանկ են գտնվում, չնայած՝ ամենաազնիվ միտումներն ինքն ուներ։

Ֆիլմի ընթացքում լսելու եք ռուսերեն, շատ ռուսերեն։ Հրաշալի պատկեր ունի ֆիլմը, հրաշալի ձևով են պատմում ողջ պատմությունը, որը հիմնված է իրական պատմության վրա։

Սա ֆիլմ է մարդու ահռելի մեծ ուժի, ցանկության ու նպատակասլացության մասին։ Ֆիլմը դիտելուց հետո ուզում ես աշխարհը շուռ տալ, որովհետև հասկանում ես՝ եթե Rogers-ը կարողանում էր սովետական Միությունում իր ցանկություններն առաջ տանել մեն մենակ, ուրեմն դու էլ կարող ես այս աշխարհում ամեն բան անել, եթե Rogers-ի պես խիզախ, ցինիկ, խարիզմատիկ և նպատակասլաց լինես։

Ես Մարիամն եմ, կինոքննադատ չեմ, պարզապես սիրում եմ ֆիլմեր նայել և տպավորությոններովս ու մտքերով կիսվել մարդկանց հետ։ Ես խոսում եմ քիչ ու կցկտուր, որպեսզի տեղ թողնեմ, որ կարողանաս նայել այն ֆիլմերը, որոնց մասին մենք ամեն շաբաթ մոտ 5 րոպե զրուցելու ենք։

]]> ՖիլմON | The War with Grandpa. Եթե պատերազմել, ուրեմն միայն սենյակը վերադարձնելու համար https://imradio.armradio.am/2023/04/18/the-war-with-grandpa-%d5%a5%d5%a9%d5%a5-%d5%ba%d5%a1%d5%bf%d5%a5%d6%80%d5%a1%d5%a6%d5%b4%d5%a5%d5%ac-%d5%b8%d6%82%d6%80%d5%a5%d5%b4%d5%b6-%d5%b4%d5%ab%d5%a1%d5%b5%d5%b6-%d5%bd%d5%a5%d5%b6%d5%b5/ Tue, 18 Apr 2023 09:22:58 +0000 https://imradio.armradio.am/?p=9672 The War with Grandpa 2020 ‧ Comedy/Family ‧ 1h 38m

De Niro-ին ու Al Pacino-ին հաճախ են համեմատում, որովհետև կարծես՝ հավասար հնարավորություններ ունեցող դերասաններ են, իմ կարծիքով, բայց միշտ ընտրում եմ De Niro-ին, որովհետև մարդը մաֆիոզից մինչև կամակոր պապիկ կարողանում է այնպես փոխվել, որ սահմանագիծը հստակ է գծվում՝ BOLD տարբերակով:

De Niro-ն կնոջը կորցրած պապիկ է, ով ապրում է միայնակ ու տարիքին հատուկ կամակորության պատճառով չի տեղափոխվում աղջկա՝ Uma Thurman-ի տուն: Այնպես չէ, որ վատ է ապրում միայնակ, բայց տարիքային մի շարք խնդիրներ աղջկան «ստիպում են» հորը տանել իրենց տուն։ Ինչ-որ ձևով համոզում են, պապիկը համաձայնվում է ու, որպեսզի հարմար լինի աղջկա տանն ապրելը, որոշում են տղա թոռան սենյակը տալ նրան, իսկ տղային ուղարկել տանիք, որտեղ քիչ թե շատ նորմալ պայմաններ են ստեղծում ապրելու համար։

Թոռնիկն, իհարկե, ուրախ էր, որ պապիկը գալու է իրենց տանն ապրելու, բայց հասկանալով, որ կորցնում է իր հրաշալի սենյակը, սկսում է փոքր ինչ տրամադրություն փոխել։ Ֆիլմում հրաշալի ձևով է ներկայացված սերունդների բախումը։ Հոգեէմոցիոնալ շեշտադրումից մինչև հումորային զվարճալի իրավիճակներ, այո, De Niro-ն կարողանում է պատվով խաղթահարել այս դերը։

Պապիկը վերջապես տեղափոխվում է․․ու.. կռիվը գնաց: Տղա թոռնիկը, ի դեպ երեք թոռնիկ ուներ, երկու աղջիկ, մեկ տղա, չի համակերպվում իր սիրելի սենյակը կորցնելու մտքի հետ և որոշում է պապիկի հետ «պատերազմել»:

Սա երևի տղայի կյանքի առաջին պայքարն էր ունեցածը պաշտպանելու, ինքն իր տարածքը հեշտությամբ չզիջելու և կյանքում կարևոր դասեր սովորելու համար, և մեր մեջ ասած, լավ է, որ այդ ամենը հենց պապիկի հետ է եղել։

Ճիշտ է ֆիլմը ծիծաղելի է, բայց շատ էմոցիոնալ պահեր կան, որտեղ պապիկի ու տղա թոռան հարաբերությունները ներկայացրել են այլ տեսանկյունից, թվում է քանի տարի ճանաչում են իրար, բայց միասին ապրելով սկսում են նորովի բացահայտել:

Այս ֆիլմը կարող եք ընտանիքով նայել, հրաշալի հնարավորություն է տան մեծերին փոքր ինչ այլ տեսանկյունից նայելու, նրանց հետ անցկացրած ժամանակը արդյունավետ օգտագործելու ու ևս մեկ անգամ գնահատելու այն ինչ ունենք այս կյանքում։

Ես Մարիամն եմ, կինոքննադատ չեմ, պարզապես սիրում եմ ֆիլմեր դիտել և տպավորությոններովս ու մտքերովս կիսվել մարդկանց հետ։ Ես խոսում եմ քիչ ու կցկտուր, որպեսզի տեղ թողնեմ, որ կարողանաս նայել այն ֆիլմերը, որոնց մասին մենք ամեն շաբաթ մոտ 5 րոպե զրուցելու ենք։

]]> ՖիլմON | Guillermo del Toro’s Pinocchio. Կարո՞ղ է այսօր նստես ու մտածես ընտանիքիդ մասին https://imradio.armradio.am/2023/04/17/guillermo-del-toros-pinocchio-%d5%af%d5%a1%d6%80%d5%b8%d5%b2-%d5%a7%d5%9e-%d5%a1%d5%b5%d5%bd%d6%85%d6%80-%d5%b6%d5%bd%d5%bf%d5%a5%d5%bd-%d5%b8%d6%82-%d5%b4%d5%bf%d5%a1%d5%ae%d5%a5%d5%bd-%d5%a8/ Mon, 17 Apr 2023 10:58:31 +0000 https://imradio.armradio.am/?p=9653 Guillermo del Toro’s Pinocchio 2022 ‧ Fantasy/Musical ‧ 1h 54m
Ասել, թե Guillermo del Toro-ն հանճարեղ է, կնշանակի ոչինչ չասել։ Այդ հսկա մեքսիկացի կինոռեժիսորը ստեղծել է մի հրաշալի գործ, որտեղ քեզ, ինձ ու նրան (որ տարիքում էլ լինենք) ինչ-որ դասեր է տալիս՝ պարտադիր ջերմորեն և զգուշությամբ, որ չլինի թե մտածենք՝ սա ակնհայտ ճշմարտություն է, ինչու է՞ նրան թվում, թե մենք չգիտեինք։

Արի 5 րոպեով քեզ մի հրաշալի աշխարհ տանեմ։

Ռեժիսորը մի տեղ է հավաքել տաղանդաշատ մարդկանց, ասել՝ պետք է այնպիսի մուլտֆիլմ ստանանք, որ մարդն իրականությունից չկտրվի, բայց և զգա, որ անիմացիոն գործ է դիտում: Այդպես էլ արել են: Օրինակ՝ կա հատված, որտեղ պապիկի իրական տղա երեխան տան դուռը բացում ներս է մտնում, հետո նկատում է, որ այն կիսաբաց է թողել, պտտվում փակում է, նոր անցնում առաջ, այդ ամենն ակնթարթորեն է տեղի ունենում, դու չես էլ հասցնելու հասկանալ, թե ինչ է կատարվում, իմաստը որն էր, այդ կտորը հանգիստ կարող էր չլինել, միայն ողջ ընթացքում զգում ես, որ մուլտֆիլմը նայելուց ինչ-որ տարօրինակ ձևով կոմֆորտ ես, ու դա հենց այդ փոքր դետալների շնորհիվ: Աշխարհի չափ մանր դետալներ կան, ամեն ինչի վրա ամիսներով աշխատած, իսկապես ՇՇՄԵԼՈւ Է:

Հետաքրքիր ձևով կարողացել են խաղալ մեզ հետ: Ուրեմն, փայտե տղան ինձ դուր չէր գալիս, անհավասար էր, ծուռումուռ, մեխերը` լիքը, մազերը` խառը, անընդհատ սպասում էի, որ պետք է հայրը «հղկի» նրան, հավասարեցնի, հարթեցնի, գեղեցկացնի. չէր ստացվում ընդունելը:

Հետո.. կամաց-կամաց հասկացա, որ ինչպես «հայրը», ես էլ ուզում էի, որ նա լիներ այն կերպարը, որն ինքս էի պատկերացնում, որն ինձ համար էր իդեալական.. վերջում անկախ ինձանից եկա այն եզրահանգման, որ նա այդպիսին է և վերջ, կամ պետք է ընդունել, կամ բաց թողնել.. սա մի հոգեբանական թեստ էր, որը Guillermo-ն անցկացնում է հեռվից հեռու, բայց շատ ուղիղ ձևով: ՖԱՆՏԱՍՏԻԿ Է: Իսկ փայտե տղան այդպես անհավասար էր և անմշակ, որովհետև «հայրը» հարբած ժամանակ էր պատրաստել նրան: Ամեն բան ազնիվ է ու ճիշտ:

Սա պատմություն է ծնողի ու երեխայի հարաբերությունների, կորցնելու, գտնելու ու արժևորելու մասին: Ինձ համար սարսափելի հուզիչ պահեր են եղել, որ երբեք որևէ մուլտֆիլմում չեմ զգացել, այդտեղ էլ Guillermo-ն էլի հեռվից հեռու մտել է մեր ընտանիք, ցույց տվել մեզ, մեր ծնողներին, իրեն հատուկ խրպոտ ու ցածր ձայնով ասել՝ կարող է՞ այսօր նստես ու մտածես ընտանիքիդ մասին։

Դերասանական կազմը շշմելու լավն է: Սիրելի Christoph Waltz-ը, Tilda Swinton-ն ու Cate Blanchett-ը գործն ավելի հզոր են դարձնում, լավ կլինի օրիգինալ տարբերակով դիտեք, անգլերենով։

Ի դեպ, սա այնքան լավ գործ է, որ Cate Blanchett-ն անձամբ ռեժիսորին ասել է, որ ինքը պատրաստ է ցանկացած դերի, անգամ կարող է մատիտի կերպարը մարմնավորել, միայն թե լինի ընթացքի մեջ, այդպես գեղեցկուհին կապիկի դերն է վերցրել ու պարզապես կապիկին հատուկ ձայներ է հանում։

Երեխաների հետ հանգիստ կարող եք նայել, այսօր այդ օրն է, մի ուշացրեք։

Ես Մարիամն եմ, կինոքննադատ չեմ, պարզապես սիրում եմ ֆիլմեր դիտել և տպավորությոններովս ու մտքերովս կիսվել մարդկանց հետ։ Ես խոսում եմ քիչ ու կցկտուր, որպեսզի տեղ թողնեմ, որ կարողանաս նայել այն ֆիլմերը, որոնց մասին մենք ամեն շաբաթ մոտ 5 րոպե զրուցելու ենք։

]]> ՖիլմON | Moneyball. Մարդ, ով փոխեց ամեն ինչ https://imradio.armradio.am/2023/04/17/moneyball-%d5%b4%d5%a1%d6%80%d5%a4-%d5%b8%d5%be-%d6%83%d5%b8%d5%ad%d5%a5%d6%81-%d5%a1%d5%b4%d5%a5%d5%b6-%d5%ab%d5%b6%d5%b9/ Mon, 17 Apr 2023 09:18:10 +0000 https://imradio.armradio.am/?p=9636 Moneyball. 2011 ‧ Sport/Drama ‧ 2h 13m

Ի՞նչ կանես, երբ մի օր պարզվի, որ տարիների կառուցած ինչ-որ բան, կարևոր չէ, թե ինչ, կամաց-կամաց սկսում է քանդվել, ու այդ ընթացքում, փառահեղ այդ տեսարանին հետևելով հասկանում ես, որ եթե մի քիչ էլ դանդաղես, մի քիչ էլ շարունակես աչքերդ սառեցրած անթարթ նայել, լավ չի լինի։

Մտածելու համար հաստատ ժամանակ կունենաս, արի հիմա մի քիչ զրուցենք։ 5 րոպե, ոչ ավել։ Դու, ես ու Brad Pitt-ը, ընթացքում կմիանա նաև Jonah Hill-ը։

Մարդ, ով փոխեց ամեն ինչ։ Փորձեմ այսպես թարգամանել Brad Pitt-ի մասնակցությամբ MoneyBall սպարտային դրամայի վերնագիրը։

Օքլենդի բեսյբոլի թիմի առաջ ծանրաքարշ դժվարություններ են առաջանում։ Billy Beane-ի՝ մարզչի առջև հարց էր դրվել՝ քիչ ֆինանսով ստեղծել և պահպանել այնպիսի թիմ, որը մրցունակ կլիներ։

Սա պատմություն է բեյսբոլի թիմի մի մարզչի և վերլուծաբանի մասին, ովքեր միասին կարողացան շատ քիչ բյուջեով հասնել այնտեղ, որտեղից անընդհատ ցանկանում էին ներքև հրել։ Այսինքն՝ հասան վերև։

Առաջին հայացքից, գուցե դու էլ ինձ պես մտածես, որ բեյսբոլը քոնը չէ, ֆիլմը չի հետաքրքրելու, պլյուս, եթե սպորտով էլ հետաքրքված չես, չարժի նայել։ Բայց մի շտապիր, որովհետև դու էլ ինձ պես ապրում ես մի երկրում, որտեղ յուրաքանչյուր ոլորտ իր քարացած սկզբունքները, ձևերն ու աշխատելաոճն ունի։ Մարզիչ Billy-ն, նույն ինքը սիրելի Brad Pitt-ը, ճգնաժամին դեմ դիմաց դուրս գալուց հետո փորձեց կոտրել ամբողջ շղթան։ Ինչպե՞ս արեց դա սպորտային թիմի մարզիչը։ Ինչպե՞ս կարող ես դու էլ քո կյանքում ու ոլորտում այդպես անել։

Հերթական ժողովի ժամանակ մարզիչն աշխատակիցներին խնդրում է առաջարկել լուծումներ՝ թիմը պահելու և առհասարակ կյանքում չկոտրվելու համար։ Բոլորն սկսում են հնացած ու ստանդարտ ինչ-որ տարբերակներ ասել, որպեսզի սփոյլ չանեմ, չեմ մանրամասնի, բայց շեշտեմ, որ մարզիչը ոտքից գլուխ փոխեց ծրագիրը։ Շարժվեց հոսանքին հակառակ։ Ի դեպ, մեկ-մեկ երևի պետք է փոխել հունը՝ ավելի լավ բանի հասնելու համար։

Pitt-ը չգիտեմ արդյոք կերպարի պես չկոտրվող, «ցինիկ», անվախ ու համարձակ է կյանքում, բայց ֆիլմում կերպարն այնքան լավ է մարմնավորել՝ մոռացել էի, որ Brad-ն է:

Երիտասարդը Jonah Hill-ը, Leonardo DiCaprio-ի մտերիմ ընկերն է, ով այս ֆիլմում խելացի վերլուծություններ է անում, Brad-ի կերպարի հակապատկերն է ու հրաշալի բալանս էր ապահովում, բայց մեկ է, ինքը The Wolf of Wall Street-ում ֆանտասիկ զույգ էր Leo-ի համար:

Սա մարդու մտավոր ուժի, կրեատիվի մեծ չափաբաժնի, համարձակության, կյանքի առաջարկածի հետ գործարքի մեջ մտնելու, ջախջախվելու, փառավորվելու, մարդկանց հետ խոսելու, մարդկանց համոզելու ու արած գործին հավատալու մասին հրաշալի ֆիլմ է, որը պարզ մեխանիզմներով ներկայացնում է, թե ինչ է մարկետինգը:

Ես Մարիամն եմ, կինոքննադատ չեմ, պարզապես սիրում եմ ֆիլմեր դիտել և տպավորությոններովս ու մտքերովս կիսվել մարդկանց հետ։ Ես խոսում եմ քիչ ու կցկտուր, որպեսզի տեղ թողնեմ, որ կարողանաս նայել այն ֆիլմերը, որոնց մասին մենք ամեն շաբաթ մոտ 5 րոպե զրուցելու ենք։

]]> ՖիլմON | The Boy, the Mole, the Fox and the Horse․ Լավ է, երբ ունես կյանքի այնպիսի ընկեր, ում հետ ամենը հեշտանում է, ավելի լավ է, երբ կյանքի այդ ընկերը հենց դու ես https://imradio.armradio.am/2023/04/17/the-boy-the-mole-the-fox-and-the-horse-%d5%ac%d5%a1%d5%be-%d5%a7-%d5%a5%d6%80%d5%a2-%d5%b8%d6%82%d5%b6%d5%a5%d5%bd-%d5%af%d5%b5%d5%a1%d5%b6%d6%84%d5%ab-%d5%a1%d5%b5%d5%b6%d5%ba%d5%ab%d5%bd%d5%ab/ Mon, 17 Apr 2023 08:52:22 +0000 https://imradio.armradio.am/?p=9623 The Boy, the Mole, the Fox and the Horse. 2022 ‧ Animation/Short ‧ 34 mins

Լավ չէ, իհարկե, որ կյանքում լինում են պահեր, երբ ուզում ես ասել՝ դե վերջ, դուք հաղթեցիք, ես հանձվում եմ, հավաքում եմ իրերս ու գնում դեպի խորը միայնության գիրկը, բայց լավ է, որ այդ ճանապարհին, նախքան փշրվելը գլխի ողջ երկայնքով սկսում է պտտվել միտք՝ իսկ գուցե վերջին, թեկուզ խելահեղ, թեկուզ «անիմաստ», թեկուզ ոչ իրատեսականն է՞լ փորձեմ: Գուցե ստացվի մի այնպիսի բան, որի մասին անգամ հիմա մտքովս չի անցնում, գուցե ճիշտ են ասում, որ յուրաքանչյուր գիշերվան հաջորդում է ցերեկը։

Այդ հոգեվիճակում մարդիկ հաճախ օգնություն են փնտրում, օրինակ, համացանցում: Մտնում են Google, փնտրման դաշտում գրում՝ ի՞նչ անել, երբ այլևս պայքարելու ուժ չկա, կամ գուցե գրում են՝ ի՞նչ նայել, կարդալ կամ լսել, երբ կոտրված ես ու կամաց-կամաց փշրվում ես:

Փնտրել կոճակը սեղմելուց հետո, գուգլի վիդեոյի դաշտում բերելու է մի անչափ ջերմ, սիրուն, հոգեհուզական ֆոնը կարգավորող թերապևտիկ մի մուլտֆիլմ: Ովքեր կարդում են ու կարծում, որ մեծ մարդիկ են, որ մուլտֆիլմը երեխաների համար է, կարող են շարունակել այդպես մտածել, բայց պետք է նաև խոստանաք, որ այս մուլտֆիլմը նայելուց հետո, եթե փոխեք ձեր կարծիքը անպայման իմաց կտաք։

Մի փոքրիկ տղա ու մի քանի կենդանի սկսում են իրենց «տրավմաները» հաղթահարել: Միասին ճանապարհ են անցնում, իրար խորհուրդ տալիս, հոգ տանում, ներում, սիրում ու իրարով լինում: Չորս կերպար կա մուլտֆիլմում։ Չորսի մեջ էլ գտնելու ես քեզ, չվախենաս, դա բնավ չի նշանակում որ անձի երկատվություն ունես, պարզապես դու մարդ ես, ով ունի բազմատեսակ էմոցիաներ։ Այս մուլտֆիլմում երկխոսությունները հրաշալի են, պատկերը լավն է, երաժշտությունը՝ «ապահով», կերպարները՝ հետաքրքիր, գաղափարը՝ սփոփիչ ու օգնող։

Լավ է, երբ ունես կյանքի այնպիսի ընկեր, ում հետ ամենը հեշտանում է, ավելի լավ է, երբ կյանքի այդ ընկերը հենց դու ես։

Ես Մարիամն եմ, կինոքննադատ չեմ, պարզապես սիրում եմ ֆիլմեր, մեկ-մեկ էլ մուլտֆիլմեր դիտել և տպավորությոններովս ու մտքերով կիսվել մարդկանց հետ։ Ես խոսում եմ քիչ ու կցկտուր, որպեսզի տեղ թողնեմ, որ կարողանաս նայել այն ֆիլմերը, որոնց մասին մենք ամեն շաբաթ մոտ 5 րոպե զրուցելու ենք։

]]> ՖիլմON | The Banshees of Inisherin․ Ի՞նչը կարող է ստիպել մարդուն կտրել ձեռքի մատը․ օրինակ՝ ընկերոջ հետ շփումը https://imradio.armradio.am/2023/04/17/the-banshees-of-inisherin-%d5%ab%d5%9e%d5%b6%d5%b9%d5%a8-%d5%af%d5%a1%d6%80%d5%b8%d5%b2-%d5%a7-%d5%bd%d5%bf%d5%ab%d5%ba%d5%a5%d5%ac-%d5%b4%d5%a1%d6%80%d5%a4%d5%b8%d6%82%d5%b6-%d5%af%d5%bf%d6%80%d5%a5/ Mon, 17 Apr 2023 08:28:50 +0000 https://imradio.armradio.am/?p=9610

The Banshees of Inisherin2022. Drama/Comedy ‧ 1h 54m

Քեզ հետ պատահել է՞, որ մի օր արթնանաս ու ամբողջ էությամբ զգաս, որ մարդը, ում հետ երկար ժամանակ շփվել ես, ինչից ասես զրուցել, գնացել, օրինակ, հարբելու, համեղ բաներ ուտելու, ում հետ ատել ես ամենքին, հետո սիրել բոլորին, տառապել, երջանկացել ու էլի հոգի ջերմացնող ինչ-որ բաներ արել, էլ չես ուզում որևէ կապ ունենալ։

Այո, հենց այդպես։ Դու չես ուզում շփվել մի մարդու հետ ում հետ այդքան ճանապարհ ես անցել։

_________________________________________________________________________________________Ես Մարիամ Ղարդյանն եմ ու մինչ մեր այս պահի զրույցը կարծում էի, որ այդպես կարող է պատահել, երբ, օրինակ՝ սիրելին դավաճանի, երբ կողակիցն այնպիսի քայլ անի, որ այլևս համատեղ որևէ բան պատկերացնելը մղձավանջ կդառնա, բայց, օրինակ, բրիտանացի/իռլանդացի կինոռեժիսոր Martin McDonagh-ը այլ կերպ է մտածել ու որոշել է իր տարբերակով պատմել պատերազմի ազդեցության, ընկերության ու մարդու էգոիզմի մասին։

The Banshees of Inisherin։

Արի մի քանի րոպեով տեղափոխվենք Իռլանդիա։

Colin Farrell-ի, Brendan Gleeson-ի ու Barry Keoghan-ի հետ մի քիչ պտտվենք կղզում։

1923 թվական։ Ինիշերին կղզի։ Իռլանդիայի արևմտյան ափ: Պատերազմ։

Հրաշալի տեսարաններ ունի ֆիլմը, հրաշալի կանաչ, հրաշալի քամի ու անձրևոտ մռայլ եղանակ։ Այստեղ քիչ մարդիկ են ապրում, համարյա Հայաստանի փոքր գյուղերի պես, որտեղ բոլորը ճանաչում են իրար։ Բայց բոլորից զատ միշտ էլ լինում այնպիսի հետաքրիր մարդիկ, որոնց կարելի է հետևել, ուսումնասիրել, սովորել ու զգալ։

Մեր այսօրվա ընկերները մի քանիսն են։ Պարզմիտ, բարեհոգի ֆերմեր Պոդրիկը, ով ապրում է չամուսնացած քրոջ հետ։ Քույրը սիրում է կարդալ ու զրուցել հետաքրիր թեմաներից, մի ոստիկան կա, ով մտավոր առողջական խնդիրներ ունեցող որդի ունի, ու դե Պոդրիկի լավագույն ընկեր՝ տարեց ջութակահար Կոլմը։

Colin Farrell-Pádraic Súilleabháin
Kerry Condon-Siobhán Súilleabháin
Barry Keoghan-Dominic Kearney
Gary Lydon-Peadar Kearney
Brendan Gleeson-Colm Doherty

Մի անգամ Պոդրիկը ամենօրյա իր երթուղու համաձայն գնում է Կոլմի տուն, որ միասին գնանք փոքրիկ փաբ, ի դեպ փաբը հենց ֆիլմի նկարահանման համար են կառուցել ու քանի որ ռեժիսորը կառուցման թույլտվություն չի ունեցել, նկարահանումներից հետո այն քանդել են, որտեղ սովորականի պես կխմեն մի բան ու կզրուցեն։ Կոլմը հրաժարվում է խոսելուց, Պոդրիկի հետ որևէ տեղ գնալուց և առհասարկ նրա հետ որևէ կապ ունենալուց։ Դա արտահայտվում էր այսպես։ Կոլմը մեջքով նստել էր դեպի այն փոքրիկ լուսամուտը, որտեղից Պոդրիկը նրան փորձում էր կանչել դուրս։ Էմոցիաներ, որոնք ֆիլմը դիտելու ընթացքում ապրելու ես շատ մոտ։

Դե պատկերացրու՝ քո հարազատ մարդը քեզ հետ չի զրուցում, արհամարում է, շատ ուղիղ, բառ չի փոխանակում քեզ հետ։

-Ի՞նչ է եղել նրան, միթե՞ նա լուրջ է ասում ամենը, ինչ եմ արել ես, որտեղ եմ սայթաքել, ինչ անեմ, որ այդպես չլինի, հարցեր, որոնք անընդհատ պտտվում էին Պոդրիկի գլխում։

Սա ֆիլմ է տղամարդու մասին ում լքեց միակ ընկերը։ Սև հումորով այս ֆիլմը րոպե-րոպե վերածվում է դառը դրամայի, որը և ուզում ես անջատել ու, ասենք, մի քիչ Ֆրեյդ կարդալ, և ցանկությունից մեռնում ես, տեսնելու, թե լավ, բա վերջը պատճառը ի՞նչն էր, որ այդքան տարվա մտերիմ ընկերներից մեկը մի օր որոշեց մատը կտրել, եթե մյուս ընկերը որոշի շփման եզրեր գտնել։

Ես Մարիամն եմ, կինոքննադատ չեմ, պարզապես սիրում եմ ֆիլմեր դիտել և տպավորությոններովս ու մտքերով կիսվել մարդկանց հետ։ Ես խոսում եմ քիչ ու կցկտուր, որպեսզի տեղ թողնեմ, որ կարողանաս նայել այն ֆիլմերը, որոնց մասին մենք ամեն շաբաթ մոտ 5 րոպե զրուցելու ենք։

]]> Մեքենաս առաջին տունս է, քարե տանս մեջ ավելի քիչ ժամանակ եմ անցկացնում։ Ճակատագիր է․ «Միացրու թարթիչդ» https://imradio.armradio.am/2023/03/08/9300/ Wed, 08 Mar 2023 16:58:09 +0000 https://imradio.armradio.am/?p=9300 Սոնան մեքենա վարել սիրել և սովորել է փոքր տարիքից։ Տան անդամներից ոչ մեկը մեքենա չէր վարում, հայրն էլ մեծ տարիքում է սովորել, այն էլ ոչ Հայաստանում։ Չի հիշում, թե որտեղից է այդ սերն առաջացել, բայց գիտի, որ իր ճակատագիրը հենց այդպես էլ գծվել է՝ լինել նուրբ, գեղեցիկ կին, ով ազատ ժամանակ կնվագի գիթառ, կբզավի բալիկի խնամքով, իսկ աշխատանքը կապված կլինի ավտոմեքենա վարելու հետ։

]]> SEMA-ն հայկական արտադրության հագուստի բրենդ է, որի հիմքում ազգային տարազն է և ասեղնագործությունը․ «ՍՏԱՐՏԱՓ ՀԱՅԱՍՏԱՆ» https://imradio.armradio.am/2023/02/26/sema-%d5%b6-%d5%b0%d5%a1%d5%b5%d5%af%d5%a1%d5%af%d5%a1%d5%b6-%d5%a1%d6%80%d5%bf%d5%a1%d5%a4%d6%80%d5%b8%d6%82%d5%a9%d5%b5%d5%a1%d5%b6-%d5%b0%d5%a1%d5%a3%d5%b8%d6%82%d5%bd%d5%bf%d5%ab-%d5%a2%d6%80/ Sun, 26 Feb 2023 14:39:35 +0000 https://imradio.armradio.am/?p=9229 Վահե Քոթանյանը սիրում է այն ամենն ինչ կապված է ազգայինի հետ, բայց իրական ազգայինի։ Վահեն այն մարդն է, ով անշեղորեն և հստակ կարողանում է մի հայացք նետել ազգային թվացող նախշին և բացահայտել կեղծիքը։ Սոցցանցերում Վահեն հաճախ է օգնության հասնում մարդկանց, որևէ կասկածելի նախշ տեսնելիս մարդիկ միանգամից նշում են Վահեին հրապարակման տակ, Վահեն էլ սիրով բացահայտում է բոլոր կեղծիքները։ Հաճախ մարդիկ չեն կարողանում տարբերել ասենք թուրքական նախշերը հայկականից, և ինչպես ասում է Վահեն, ամեն խաչ և նուռ չէ, որ հայկական ազգային նաշխ կարող է դառնալ։

Վահեի բրենդը՝ SEMA-ն, հայկական արտադրության հագուստի բրենդ է, որի հիմքում ազգային տարազն է և ասեղնագործությունը: Սեման, կարելի է ասել, առաջարկում է այն ամենն ինչ կապված է հագուստի և զարդերի հետ։ Հիմնականում առաջարկվող տեսականին չի սահմանափակվում որևէ տեսանկյունից։ Վահեի հիմնած բրենդի հիմնական ուղղվածությունը հայկական ձևվածքների և ասեղնագործության, մանրանկարչության ամբողջական մշակույթի նորաձևության մեջ մտցնելու և իր տարածման ձևը առաջարկելու գաղափարն է։

Վահեն հստակ նշում է, որ նախշերի խեղաթյուրումը կամ հայկական տարազի իսպառ վերացումը կհանգեցնի հայկական մշակույթի, հայկական դիմագծի բնաջնջման և մեր մշակույթի տարալուծման, որովհետև հայկական դիմագիծն ու մշակույթն են միմիայն տարանջատում հայկականության սահմանները։ Այդ առիթով է նաև ստեղծվել այս բրենդը, ճիշտ է, հաճախ մարդկանց թվում է, թե նմանատիպ հագուստներ կրելն առօրայում հարմար չի լինի, կամ աչքին անսովոր կթվա, բայց Վահեն ունի դրա պատասխանը։ 

]]> Հայաստանում հնարավոր է և պետք է ունենալ հայկական արտադրության մաքրող միջոցներ․ «ՍՏԱՐՏԱՓ ՀԱՅԱՍՏԱՆ» https://imradio.armradio.am/2023/02/26/%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%b8%d6%82%d5%b4-%d5%b0%d5%b6%d5%a1%d6%80%d5%a1%d5%be%d5%b8%d6%80-%d5%a7-%d6%87-%d5%ba%d5%a5%d5%bf%d6%84-%d5%a7-%d5%b8%d6%82%d5%b6%d5%a5%d5%b6%d5%a1/ Sun, 26 Feb 2023 14:22:33 +0000 https://imradio.armradio.am/?p=9226 Նինա Մինասյանը մասնագիտությամբ ֆինանսիստ/ հաշվապահ է։ Տարիներ առաջ նորաստեղծ ընտանիքը որոշում է Հայաստանում տեղական արտադրության մաքրող միջոցներ արտադրել։ Դա 2005 թվականն էր։ Արդեն շուտով 18 տարի Նինան իր հիմնադրած ընկերությամբ կարողանում է ապացուցել, որ Հայաստանում հնարավոր է և պետք է ունենալ հայկական արտադրության մաքրող միջոցներ։

Տարիներ առաջ հումք ներկրելը հեշտ գործ չէր։ Հեշտ չէր նաև հայկական արտադրանքը շուկա հանելը, եթե այսօր քիչ թե շատ փոխվել է տեղականի հանդեպ վերաբերմունքը, այն ժամանակ դա շատ ավելի խիստ էր ընդգծված։ Դժվարություններ այդ առումով շատ են եղել, բայց Նինան ամուսնու հետ միասին կարողացել են հաղթահարել դրանք ու հասնել այն կետին, որտեղ հիմա են կանգնած։

Նինան ժպիտով է շեշտում, որ այն բիզնեսները, որոնք հիմնադրվում են մեր օրերում շատ ավելի հեշտ ճանապարհ են անցնում իրենց արտադրանքը ներկայացնելու հարցում։ Տարիներ առաջ դա խնդիր էր։ Սոցցանցերում ակտիվություն չկար, ստիպված էին առերեսում մարդկանց ծանոթացնել ապրանքատեսակներին։ Դա իրեն հատուկ դժվարություններն ուներ, բայց հետաքրիր էր նման փարձառություն ունենալը ու ըստ Նինայի, գուցե իրենք ասյօր այդքան ամուր կանգնած չլինեին, եթե չլիներ այդ դժվարությունների փունջը։

Հայաստանում՝ այսօր, բազմաթիվ արտադրողներ դժգոհություններ ունեն, որ իրենց ապրանքատեսակները լավ ցուցափեխկում  չեն ցուցադրում խանութներում, առաջնահերթությունը տալիս են դրսի արտադրանքին, պատճառաբանելով, որ մարդիկ արդեն սովոր են դրանց, դրա տակ հաճախ թաքնված է միտքը, որ հայակական է, գուցե որակապես զիջի և իրենց առևտուրը լավ չլինի։ Ուրախությամբ կարող ենք փաստել, որ հաճախ այդ մտավախությունները ցրվում են, երբ մարդիկ գնում են ու գոհ մնում արտադրանքից։ Նինան պատմում է, որ մեծ դժվարությամբ բայց կարողանում էին հասնել նրան, որ իրենք խանութներում դասավորեն իրենց ապրանքը։

Նինան հպարտությամբ է խոսում իր արտադրանքի մասին, հպարտանում է իրենով, իր ընտանիքով, որ կարողացել են բազմաթիվ դժվարությունների միջով անցնելով ստեղծել հայկականը, դա և՛ սեփական հպարտանալիքն է, և՛ երկրի, ասում է Նինան։

]]>