Նոյեմբերի 21-ին Երևանում տեղի կունենա Կարիերայի նոր հնարավորություններ և հեռանկարներ» խորագրով կարիերայի առաջին տոնավաճառը, որը կազմակերպվում է Հայկական բարեգործական ընդհանուր միության (ՀԲԸՄ) «Սովորի՛ր և վաստակի՛ր․ Արցախ» ծրագրի շրջանակում, Երևանի պետական համալսարանի և Եվրասիա միջազգային համալսարանի գործակցությամբ։
Տոնավաճառի նպատակն է աջակցել Արցախից բռնի տեղահանված մեր հայրենակիցների սոցիալ-տնտեսական ինտեգրմանը ՀՀ-ում՝ նպաստելով աշխատաշուկայում նրանց մրցունակության բարձրացմանն ու զբաղվածության խնդիրների լուծմանը։
Միջոցառման մասին զրուցել ենք ԵՊՀ Շրջանավարտների և կարիերայի կենտրոնի ղեկավար Կարինե Նազարյանի և «Եվրասիա» միջազգային համալսարանի կարիերայի զարգացման և գործատուների հետ կապի պատասխանատու Արմինե Ասատրյանի հետ։
