«Մեդիագրագիտությունը արհեստական բանականության դարաշրջանում» խորագրի ներքո նոյեմբերի 4-10-ը Հայաստանում անցկացվում է «Մեդիագրագիտության շաբաթը», որի ընթացքում կլինեն պանելային քննարկումներ, վարպետության դասեր, ուսուցչական մեծ ֆորում, հանդիպումներ և դասընթացներ գրադարաններում, համալսարաններում և դպրոցներում, մարզային հանդիպումներ, նոր գրքերի և ձեռնարկների շնորհանդեսներ, մարզային հանդիպում-քննարկումներ ոլորտի փորձագետների և լրագրողների հետ։
«Մեդիագրագիտության շաբաթը» 7–րդ տարին անընդմեջ անցկացնում է Մեդիա նախաձեռնությունների կենտրոնը ՀՀ կրթության գիտության, մշակույթի և սպորտի նախարարության հետ համատեղ։
Այն միջազգային շարժում է, որ ՅՈՒՆԵՍԿՕ-ի գլխավորությամբ տեղի է ունենում ամեն տարի աշնանը՝ նպատակ ունենալով ավելի մեծ ուշադրություն հրավիրել մեդիան հասկանալու, վերլուծելու, գրագետ և արդյունավետ օգտագործելու կարևոր խնդիրների վրա։
