Մարզերի ակտիվ երեխաներին ինքնակրթվելու հնարավորություն ընձեռելու նպատակով, արդեն 3–րդ տարին է, ինչ «Մարզերի երեխաները մարզերում» ՀԿ իրականացնում է «Համակարգիչներ մարզերի երեխաներին» ծրագիրը։ Նախորդ 5 փուլերի ընթացքում ծրագրին աջակցել են անհատներ ու խոշոր կազմակերպություններ և շուրջ 212 համակարգիչ է տրամադրվել երեխաներին։
Կազմակերպության ղեկավար Արամայիս Մարգարյանն ասում է՝ տարիների փորձը ցույց է տվել, որ ծրագիրը դրական ազդեցություն է ունենում միջավայրի վրա։ Շատերը թեմատիկ դասընթացների են մասնակցում, մասնագիտություն են ձեռք բերում և շարունակում ապրել ու աշխատել համայնքում։ Հավաքված համակարգիչների մի մասը կնվիրվի երեխաներին, մյուս մասը՝ նրանց ստեղծած կրթական, մարքեթինգային և այլ թիմերին։
Եթե դուք ևս ցանկանում եք ձեր ներդրումն ունենալ մարզերի երեխաներին համակարգիչներով զինելու գործում, ապա կարող եք միանալ reArmenia.com հարթակին։
