Ճարտարագիտության ոլորտի վերջին զարգացումներն ու ձեռքբերումները հանրությանը ներկայացնելու, ճարտարագիտական համայնքի զարգացումը խթանելու նպատակով արդեն 8-րդ տարին է, ինչ անցկացվում է «Հայաստան — Ճարտարագիտական շաբաթ»-ը։ «Համատեղելով ճարտարագիտությունը, գիտությունը և արվեստը» խորագրի ներքո հոկտեմբերի 1–3–ը այն տեղի կունենա Երևանում և Վանաձորում։ Միջոցառումը կազմակերպում են «Ձեռնարկությունների ինկուբատոր» հիմնադրամը և Ինժեներական ասոցիացիան։
Այն ճարատարագիտության ոլորտում անցկացվող ամենայա գլխավոր իրադարձությունն է, և նպատակ ունի խթանել ոլորտի տեղական և միջազգային կազմակերպությունների փորձի և գաղափարների փոխանակումը։
«Հայաստան — Ճարտարագիտական շաբաթ 2024» միջոցառումների կմասնակցեն ոլորտի առաջատար մասնագետները, ուսանողները, հետազոտողներն ու առաջադեմ տեխնոլոգիաներով և ճարտարագիտությամբ հետաքրքրված անձինք կհյուրընկալվեն մեկ հարկի տակ։
