Գրքի երևանյան փառատոն
Գրքի փառատոն | «Փառատոնը ինքնավստահություն է տալիս հայ գրողին». Արքմենիկ Նիկողոսյան
Գրականագետ Արքմենիկ Նիկողոսյանը Գրքի փառատոնի գործընկերն է արդեն վաղուց. այս տարին նույնպես բացառություն չէ, Արքմենիկը ժյուրիի անդամ է «Արձակ» անվանակարգում։ Իմ ռադիոյի հետ զրույցում պատմել է, որ այս տարվա՝ 7-րդ փառատոնը համարում է լավագույնն ու ամենաստացվածը։ Խոսել ենք նաեւ Հուսիկ Արայի նոր գրքի մասին, որի շնորհանդեսը տեղի ունեցավ հենց փառատոնի ընթացքում, ինչպես նաև հայ գրողների ու ժամանակակից գրականության վրա միջոցառման ազդեցության մասին։
Հանդիսանալով Գրքի երեւանյան միջազգային փառատոնի ինֆորմացիոն գործընկեր՝ Իմ ռադիոյի թիմը փառատոնային օրերին աշխատում է պատկերասրահից. հետեւեք մեզ ու լսեք հարցազրույցներ, ռեպորտաժներ ու նյութեր փառատոնի ամբողջ ընթացքից:
