Սիրելի ռադիոլսողներ, թատրոնի սիրահարներ, սկսում ենք ՌադիոթատրON-ի երրորդ աուդիոբեմադրության ստեղծագործական աշխատանքները։
Այս անգամ որոշեցինք աշխատել երիտասարդ ստեղծագործողի հետ։ Երևանի թատրոնի և կինոյի պետական ինստիտուտի ֆեյսբուքյան էջում գրառում արեցի՝ ունենք նման նախագիծ և փնտրում ենք մագիստրատուրայում սովորող կամ նորավարտ ռեժիսորի` ռադիոներկայացում բեմադրելու համար։
Շատերն արձագանքեցին, մի քանիսի հետ խոսելուց հետո, ընտրեցինք Մարինե Պետոյանին։ Նա ավարտել է ռեժիսոր Արթուր Սահակյանի կուրսը, այժմ՝ սովորում է մագիստրատուրայի առաջին կուրսում։
Իսկ ինչու՞ ենք հենց նրան ընտրել՝ կիմանաք, եթե լսեք մեր առաջին օրագիր էպիզոդը։
