Գիտության և հասարակության միջև կապը ամրապնդելու նպատակով հոկտեմբերի 1-ից 6–ը Հայաստանում կանցկացվի «Գիտության շաբաթ» փառատոնը, որը կազմակերպում է «Գիտուժ» նախաձեռնությունը։ Շաբաթվա ընացքում տեղի կունենան միջոցառումներ մանկապարտեզներում, դպրոցներում ու բուհերում և Ազատության հրապարակում։ Փառատոնի խորագիրն է «Մոտեցնելով գիտությունը հասարակությանը»:
Այն կունենա երեք թեմատիկ մաս՝ Գիտությունն ամենուրեք է, Ապագա գիտնականները և Գիտական ֆանտաստիկա. երևակայի՜ր։
Նշենք որ, «Գիտության շաբաթը» բազմաձևաչափ միջոցառումների շարք է, որի նպատակն է հանրահռչակել գիտությունն ու տեխնոլոգիաները, բացատրել դրանց անփոխարինելի դերը և նշանակությունը ժամանակակից աշխարհում, գիտությունը դարձնել հրապուրիչ երիտասարդների համար:
