Հայաստանի 7 մարզի 15 ավագ դպրոցում 2023-ի սեպտեմբերից փորձնական ծրագրով իրականացվել է «ԱԲ սերունդ» ծրագիրը, որի շրջանակներում 350 աշակերտ հնարավորություն է ստացել ծանոթանալ և կիրառական պատկերացումներ ձևավորել արհեստական բանականության վերաբերյալ: «Արհեստական բանականության սերունդ» դպրոցական ծրագիրն իրականացրել է Հայաստանի գիտության և տեխնոլոգիաների հիմնադրամը ՀՀ բարձր տեխնոլոգիական արդյունաբերության և ՀՀ կրթության, գիտության, մշակույթի և սպորտի նախարարությունների հետ համագործակցությամբ։
FAST-ի Ռազմավարական ծրագրերի փոխնախագահ Սյուզաննա Շամախյանի խոսքով՝ ծրագրի նպատակը մեկն է կրթել ապագա նորարարների՝ հնարավորություն տալով իրենց ներուժն իրացնելու Հայաստանում և ի շահ Հայաստանի։
Արհեստական բանականությունն ապագա չէ, այլ ներկա է և գալիս է օգնելու մեզ առօրյա աշխատանքում, սակայն այն ունի նաև մարտահրավերներ: Կրթությունից, տեխնիկական գիտելիքից բացի երեխաներին պետք է սովորեցնել ճիշտ վարվել արհեստական բանականության հետ, այն պետք է օգնի և ոչ թե խանգարի։
