Գործատուն և աշխատանք փնտրողը կարող են հանդիպել e-work.am թվային նոր հարթակում, որը ՀՀ աշխատանքի և սոցիալական հարցերի նախարարության նախաձեռնությամբ օրերս գործարկեց «Նորք» տեխնոլոգիաների կենտրոնը: e-work.am–ում կարելի է անվճար գրացվել և օգտվել առաջարկվող գործիքակազմից։ Այն թույլ է տալիս ավելացնել հարկային համակարգում առկա տվյալ անձի աշխատանքային պատմությունը, որոշել, թե տվյալներից որ մասը լինի հրապարակային տեսանելի, որը՝ ոչ։ Եթե չունեք CV, ապա առաջարկվող տարբերակներից հնարավոր է ընտրել և ավելացնել ձեր պատմությունը։ Շուտով պատրաստ կլինի տեղեկատվական տեսահոլովակ, որում քայլ առ քայլ կներկայացվի համակարգից օգտվելու ձևերը։
