Երևանի պետական համալսարանի ուսանողների, ասպիրանտների և երիտասարդ դասախոսների սոցիալական խնդիրները լուծող նորարարական գաղափարները կիրականանան Սոցիալական ձեռներեցության ինկուբացիոն ծրագրի միջոցով։
Օրերս ԵՊՀ–ն, Ձեռնարկությունների ինկուբատոր հիմնադրամը և Ցե-Կվադրատ Ամպեգան ստորագրել են փոխըմբռնման հուշագիր։ ԵՊՀ բիզնես ինկուբատորի տնօրեն Ռուբեն Գևորգյանի խոսքով՝ ծրագիրը մշակվել է համատեղ ջանքերով։
Մասնակիցներին կտրամադրվեն անհրաժեշտ ռեսուրսներ, մենթորություն, նրանք կսովորեն առաջնորդության հմտություններ, հնարավորություն կունենան կառավարել և զարգացնել սեփական բիզնեսը, ինչի արդյունքում էլ կկարողանան ստեղծել կամ գրանցել ձեռնարկություն։
