Եթե գրքասեր ես, և քեզ համար տոն են դառնում բոլոր այն օրերը, երբ կարողանում ես սիրելի գրողի գիրքը գնել թեկուզ 10% զեղչով, ապա այս փառատոնը հենց քեզ համար է:
Մայիսի 25-ին, Երևանի Գաբրիել Սունդուկյանի անվան ազգային ակադեմիական թատրոնում մեկնարկեց Գրքի երևանյան փառառոնը: Փառատոնի հենց առաջին օրը որոշեցի թողնել ամեն բան ու գնալ Սունդուկյանի թատրոն, որտեղ էլ փառատոնի կազմակերպիչ, գրող Անահիտ Ղազախենցյանի հետ որոշեցինք փոքրիկ շրջայց կազմակերպել և ձեզ էլ վարակել գրքային տրամադրությամբ:
