Հայաստանի ազգային պատկերասրահը ներկայացնում է «Մարտիրոս Սարյան. Գիրք և արվեստ» լայնածավալ ցուցահանդեսը։ Նկարչի շուրջ ինը տասնյակ բարձրարժեք նկարազարդումները ներկայացնում են գրքային գրաֆիկայի ասպարեզում վարպետի թողած հարուստ ժառանգությունը:
Ներկայացված են Հովհաննես Թումանյանի, Վահան Տերյանի, Եղիշե Չարենցի, Ավետիք Իսահակյանի, Միքայել Նալբանդյանի, Միխայիլ Լերմոնտովի, Վալերի Բրյուսովի և այլ հայտնի դասականների գրական երկերի պատկերազարդումները: Ցուցահանդեսի մասին Իմ ռադիոյին պատմում է համադրող Հայկուհի Սահակյանը։
