Բիզնես թրեյներ, մարքեթոլոգ Գոռ Կարապետյանն ընթերցողին է ներկայացնում «Հաջողության թաքնված կողմը» գիրքը, որն անձնային աճի և մասնագիտական կողմնորոշման մասին է։ Գրքում ներառված են պատմություններ հեղինակի կյանքից, գիտական տվյալներ, օնլայն գործիքներ, պրակտիկ խորհուրդներ, բազմաթիվ մեջբերումներ և համաշխարհային լավագույն փորձից դուրս բերված սկզբունքներ։
Գոռ Կարապետյանն այս գիրքը գրել է մարզերում և Երևանում երիտասարդների հետ մասնագիտական կողմնորոշման թեմայով հանդիպումների արդյունքում։ Գրքի շնորհանդեսը կկայանա հոկտեմբերի 23-ին՝ ժամը 18։00-ին, Կոնգրես հյուրանոցում։
