Սեպտեմբերի 13-ին Հայաստանի ինքնիշխան տարածքում Ադրբեջանի սանձազերծած պատերազմին զուգահեռ ավելացել են ադրբեջանական կիբերհարձակումներն ու կեղծ լուրերի տարածումը։ Թեև հաճախ է խոսվում համացանցում անվտանգության կանոնների պահապանման, ապատեղեկատվությունը և իրական լուրերը ստուգելու գործիքների մասին, բայց պատերազմական իրավիճակում հասարակությունը կանգնում է նույն խնդիրի առաջ։ 21–րդ դարում մենք պատերազմում ենք նաև տեղեկատվական դաշտում և մեդիագրագետ լինելը, տեղեկատվական հոսքերում ճիշտ կողմնորոշվելն անվտանգության խնդիր է:
